Maxfiylik siyosati

SDMSYS (SM PAY) shaxsga doir ma'lumotlarni O'zbekiston Respublikasining «Shaxsga doir ma'lumotlar to'g'risida»gi qonuniga muvofiq qayta ishlaydi.

Qanday ma'lumot yig'iladi

• Arizada: F.I.Sh., telefon, email, tug'ilgan sana, manzil, hujjat seriyasi va raqami, JShShIR, STIR, hujjat nusxalari.
• Kabinetga birinchi kirishda: kamera orqali olingan yuz rasmi (bir marta).
• Xizmatdan foydalanishda: kirishlar, IP manzil, amallar tarixi.
• Xaridorlarning bank karta ma'lumotlari SM PAY tomonidan yig'ilmaydi va saqlanmaydi — ularni faqat to'lov tizimlari qayta ishlaydi.

Nima uchun

Shaxsni tasdiqlash, shartnoma tuzish va bajarish, firibgarlik va noqonuniy pul aylanmalarining oldini olish, qonun talablarini bajarish.

Qanday saqlanadi

Hujjatlar veb orqali to'g'ridan-to'g'ri ochib bo'lmaydigan yopiq papkada, hujjat raqamlari shifrlangan holda saqlanadi. Ularni faqat vakolatli xodim ko'radi va har bir ko'rish jurnalga yoziladi.

Kimga beriladi

Uchinchi shaxslarga berilmaydi. Istisno — qonunda belgilangan hollarda vakolatli davlat organlari va to'lov tizimlarining qonuniy so'rovlari.

Sizning huquqlaringiz

Ma'lumotlaringiz haqida so'rash, ularni tuzatish va shartnoma tugagach qonunda belgilangan saqlash muddatidan keyin o'chirishni talab qilish.